Gedichte und Sprüche für die Einladungskarte zur Silberhochzeit

Gedicht zur Silberhochzeit - Mundart

Bei der Einladung zur Silberhochzeit werden gerne Gedichte und Sprüche aus dem Leben der Jubilare zum Besten gegeben. Dieses Gedicht ist gedacht zum Vortrag in fränkischer Mundart und wird sicherlich die Jubelgäste erfreuen und zum Schmunzeln bringen.

A Ehepaar, um 60 rum
hockt ganz g´mütlich in der Stumm.

25 Jahr senns heit verheiert!
Sie ham die Silberne gefeiert.

Die ganz Verwandschaft und Nachbarn warn im Haus,
und grod senn aa die letztn naus.

Des Jubelpaar hat dann aufd´ Nacht
die Gschenka noch amol betracht.
Da Tisch stäiht vulla Blumma,
an haufn Glückwunschkardn senn a kumma
mit scheene und recht fromma Sprich,
sie freia sich ganz inniglich!

3 Flaschn Schnaps, dazou an Wei,
a bissla jünger mißt ma sei.
Er trinkt a Gläsla in der Früih,
des Doppelherz, des Zeich, trinkt sie!
Und die Zigarrn von die Junga
wern bloß gepafft, des schont die Lunga!
Aana raucht er alla Toch,
weil sie den Zigarrngschmock aa mooch.

Aufs Sofa hamm sie sich dann gsetzt
und sich wie früher Noosn gwetzt.
Noch´ ran Stickla fängt sie ooh:
„Waßtas nu, mei guter Moo,
vor 25 Jahr, ach wor des schee,
do wors nu nei es Kannapee.
Oft worn mia ghockt in dere Stumm
host deine Arm schee um mich rumm.

Mia hamm uns ohgschmatzt, werst nuch wissn,
nei ins Ohrläppla host mi dann bissn.
Ach wos wor des fia Gfihl
wor mir vo dir ka Biß zafill“

„Ach ja, vor 25 Johr,“ sagt er,
„wemma numal 20 wär.
Vielleicht tut des a heit nuch geh,
wart, Fraa, ich hull schnell meina Zäh!“

A mit sechzich touts nu gout
wenn ma sich fest driggn dout.
Nou frei meruns aufs nächste Fest
des 25 Joahr af sich waddn läßt.....


Diese Seite über "Gedichte und Sprüche für die Einladungskarte zur Silberhochzeit" drucken